Вчеравечер на островот Закинтос, во областа Гаитани, 75-годишен маж е уапсен бидејќи врзал куче за куката од своето возило и го влечел по улица, објави Екатимерини.

На социјалните мрежи се појави снимка на која се гледа тортурата врз кучето. Моментот го снимал возач од друг автомобил . Видеото било испратено до локалната полиција која го идентификувала и го привела осомничениот.

Με άμεσες ενέργειες της @hellenicpolice ο δράστης έχει ήδη συλληφθεί και θα του επιβληθούν οι προβλεπόμενες ποινές. Τέτοιες αντικοινωνικές συμπεριφορές δε γίνονται αποδεκτές. https://t.co/lMRPadOihL

— Νότης Μηταράκης – Notis Mitarachi (@nmitarakis) June 28, 2023

Против човекот е поднесена кривична пријава за прекршување на законската регулатива за животните, изречена му е административна казна од 30.000 евра, а денеска ќе биде изведен пред јавен обвинител на Закинтос.

Надлежниот министер на полицијата, Нотис Митаракис, на социјалната мрежа Твитер искоментира дека вакви антиопштествени однесувања се строго неприфатливи.