Триумфот на САД над Канада со 2:1 во финалето на машкиот турнир во хокеј на мраз на Зимските олимписки игри во Милано-Кортина стана малку и политичка тема, откако американскиот претседател Доналд Трамп сподели контроверзна видеоснимка на социјалните мрежи.

Станува збор за видео изработено со помош на вештачка интелигенција, објавено на неговата платформа, во кое Трамп е прикажан како член на американската хокеарска селекција. Во видеото тој влегува во жестоки дуели со канадските играчи, ги оттурнува и ги удира, а потоа постигнува гол по кој следи еуфорична прослава со соиграчите.

Снимката експресно се прошири на интернет и предизвика лавина реакции, особено поради чувствителниот контекст во односите меѓу двете соседни земји. Дополнителни реакции предизвика и претходната објава од Белата куќа, во која на илустрација, американски белоглав орел симболично ја гази канадската гуска, порака што многумина ја протолкуваа како мешавина од спортско ривалство и политичка провокација.

„Премногу победуваме, тоа едноставно не е фер“, додаде Трамп покрај видеото.

This @TheRicanMemes epic hockey meme was truthed by President Trump.

Congrats on the gold Rican! 🥇 pic.twitter.com/ITdS0cqQ1g

— Brick Suit (@Brick_Suit) February 23, 2026

ВИДЕО: Американците ја победија Канада и по речиси половина век станаа олимписки шампиони