ВИДЕО | Светот шокиран од снимката од Богојавление: Мајка на минус 26 сосила го потопува синот во вода
Корисниците на социјалните мрежи останаа шокирани откако се појави видео на кое мајка од Русија на Богојавление – Водици насилно го потопува својот син во вода и покрај негодувањето на малото дете.
На видеото се гледа како Русинка го носи својот расплакан син до опремената фонтана. Таа ја симнува крпата од момчето и се обидува да го потопи во водата.
На видеото снимено во Комсомолск, Русија, на платформа над ледената вода се гледа мајка чие дете, кое е облечено само во шорцеви, ѝ е грабнато од раце и неколку луѓе кои ја гледаат реакцијата на малото дете. Детето присилно го „фрлаат“ во водата на минус 26 степени, кое вреска во ледената дупка.
Маж и жена, кои стојат покрај платформата, го фаќаат детето за раце и три пати го потопуваат во водата, додека несреќното дете вреска и се обидува да остане над водата. Детето при својот отпор клоца и се држи со нозете за оградата и скалите. Мајката на расплаканото дете цело време стои во близина.
По повод овогодинешниот Богојавление, руските свештеници се согласија со властите дека не се препорачува потопување во ладна вода поради неповолната епидемиолошка состојба, бидејќи во црковните правила и записи не се споменува задолжително „капење“ за верниците, туку се работи исклучиво за личен избор.
Поради тоа, корисниците на социјалните мрежи остро го осудија потегот на мајката.