Застрашувачки сцени беа видени на официјалното мерење пред УФЦ 324, кое се одржа во Лас Вегас. Борецот во бантам категорија (до 61 килограм), Камерон Смотерман, успешно ја помина вагата, но веднаш по симнувањето од неа ја загуби свеста, падна и со лицето силно удри во подот.

Медицинскиот тим реагираше веднаш и му укажа прва помош, додека борецот извесно време остана да лежи на подиумот. По кратко време Смотерман дојде при себе, но сепак, со помош, мораше да ја напушти сцената на која се одржуваше мерењето.

Засега не е познато што точно го предизвикало губењето свестт, ниту дали ќе биде подготвен да настапи на настанот, каде што треба да се соочи со Ричик Турсиос.

На социјалните мрежи се појавија коментари дека колапсот на Смотерман најверојатно е последица на екстремното симнување килограми.

Oh my goodness…

Cameron Smotherman just passed out on stage after making weight pic.twitter.com/fw881V1JuO

— Championship Rounds (@ChampRDS) January 23, 2026