Босанската јавност е шокирана од бруталното убиство на 32-годишна жена од градот Бихаќ, која била задавена со кабел од нејзиниот сопруг. Убиецот, 39-годишниот Енес Одобашиќ, избега и полицијата два дена трагаше по него, но тој утрово бил пронајден мртов откако се обесил на дрво покрај реката Уна, јавуваат локалните медиуми.

На социјалните мрежи е објавено сведочење на рибарот кој го нашол телото на убиецот, кој раскажува за морничавата слика што ја затекнал на брегот на реката.

„Ми беше чудно некој да паркира возило долу, покрај тесното патче“, сведочи вознемирениот рибар, кој во видеото се идентификува само како Зудо.