ВИДЕО: Прва радост за Барселона во Лигата на шампионите
Фудбалерите на Барселона конечно во третото коло успеаја да дојдат до првите бодови во Лигата на шампионите. По двата убедливи порази од Баерн Минхен и Бенфика, вечерва Барселона со минимални 1:0 го совлада Динамо Киев.
Стрелец на единствениот гол беше Жерар Пике во 36. минута. Со трите бода, Барселона го помина Динамо Киев на табелата и сега се наоѓа на третото место во групата Е.
Во вториот натпревар кој се играше од 18.45 часот, Салцбург со 3:1 го совлада Волфсбург.
Австрискиот шампион поведе со голот на Карим Адевеми во третата минута, додека Волфсбург дојде до израмнување во 15. минута преку Лукас Нмеча.
Салцбург до триумфот и трите бодови дојде со двата гола во второто полувреме кои беа дело на Ноа Окафор.
Со оваа победа Салцбург остана лидер на табелата во групата Г со седум бода, додека Волфсбург остана на два бода.