Осврнувајќи се на вчерашниот вонреден извештај „Нации во транзиција“ на Фридом Хаус за демократските процеси во Северна Македонија каде државава е рангирана како хибриден режим, професорката од Правниот факултет и претседател на УО на Хелсиншки комитет д-р Неда Здравева анализираше во гостувањето на Утрински брифинг.

-Добивам впечаток дека сме постојано „градилиште“ кога станува збор за демократијата. Нешто ново се прави, нешто ново се урива, а она што останува е шутот, кој на крајот некој треба да го изнесе. Тој „шут“ на градењето на демократијата на плеќи го носат граѓаните и во тој контекст сесекогаш има место за подобро и повеќе, изјави во Утрински брифинф проф. д-р Неда Здравева, околу оценките на „Фридом Хаус“ за Северна Македонија.

-Она што е карактеристично кај нас е што во годините на градењето на демократија не успеавме да го воспоставиме ситемот на контрола, каде што трите власти – извршната, судската и законодавната меѓусебно независно се контролираат, вели Здравева и додава дека не е успеано да се воспостави систем на одговорност.

-Имам личен впечаток дека луѓето со тек на време престанаа да бидат одговорни за своите постапки – се чекаше некаква наредба од некого, никој не преземаше никаква иницијатива, а онаму каде што иницијативите се преземаа се преземаа по директива од „горе“, вели проф. д-р Здравева.

Таа се осврна и на работата на Хелсиншкиот комитет за човекови права кој изминатата година примил околу 600 пријави од граѓани.

-Во периодот на пандемијата поплаките на граѓаните се однесуваа главно на прекршување на работничките права, пред се незаконско прекинување на работниот однос, а потоа следуваше и враќање кон заштитата на здравствени, социјални права, заштита на жени, како и поплаки за работата на правосудските органи, вели проф. Здравева.

Целиот разговор погледенте го во видеото: