ВИДЕО: Парагваецот Санабрија плукаше кон Меси, Нејмар погоден во глава од своите навивачи
Неверојатни сцени се случија синоќа на јужноамериканските квалификации за пласман на Светското фудбалско првенство 2026.
Најпрвин аргентинскиот репрезентативец Лионел Меси беше плукнат на мечот против Парагвај, а по дуелот меѓу Бразил и Венецуела видовме како бразилските навивачи го удрија Нејмар во глава.
Парагвајскиот напаѓач Антонио Санабрија во самиот финиш на мечот плукаше кон капитенот на „гаучосите“ кој го сврте грбот и не го виде тоа.
Sanabria por lo unico que podria ser recordado es por ser el burro y mal educado que escupio a Messi pic.twitter.com/I95K5aYeen
— El tio bostero🇸🇪 (@AhiVinoElTio) October 13, 2023
– Санабрија? Во соблекувалната ми кажаа дека некој ме плукнал. Вистината е дека јас дури и не знам кој е тој човек. Навистина не сакам да зборувам за тоа бидејќи ќе отиде предалеку ако кажам нешто, а тоа навистина не е мојата цел – изјави Меси по натпреварот.
Интересно, Меси и Санабрија играа во помладите категории на Барселона, а претходно се сретнаа на терените откако Санабрија играше за Спортинг Хихон и Бетис.
Бразил одигра само 1:1 дома против Венецуела, а незадоволните бразилски навивачи го гаѓаа Нејмар. Додека играчот на саудискиот Ал Хилал го напушташе теренот, еден од навивачите го удри во глава со картонска кутија за пуканки, што ги шокираше присутните на теренот.
Neymar being hit with a bag of popcorn after Brazil drew 1-1 vs. Venezuela at home. Brazil host Argentina in November.pic.twitter.com/7uckDCIgih
— Roy Nemer (@RoyNemer) October 13, 2023
Нејмар веднаш реагираше и погледна кон трибината, а почна да ги пцуе навивачите на Бразил кои продолжија да го провоцираат и жестоко да го исвиркуваат.