Палестинското Министерство за надворешни работи денеска објави дека израелската армија извршила напад врз градот Рафах, во јужниот дел на Појасот Газа, „без никакво соопштение и без да чека ничија дозвола“, пренесува Анадолија.

Во воздушните напади извршени синоќа од израелски воени авиони во различни делови на градот Рафах, животот го загубија 14 Палестинци, меѓу кои и деца и жени, а неколку лица се повредени.

„Палестинското Министерство за надворешни работи најостро ги осудува крвавите воздушни напади и систематските деструктивни операции на Израел врз градот Рафах, игнорирајќи ги меѓународните предупредувања за неокупирање на градот каде живеат милиони раселени луѓе од северот и центарот на Појасот Газа“, се истакнува во соопштението.

Нагласено е дека Израел синоќа изврши разорен воздушен напад врз Рафах и дека многу Палестинци ги загубија животите. „Израел изврши напад на градот Рафах и не го најави тоа за да избегне меѓународни реакции и не чекаше ничија дозвола“, се вели во соопштението.

A number of Palestinians were killed after the bombing of several homes in Rafah. pic.twitter.com/J1wgg1N548

— Eye on Palestine (@EyeonPalestine) March 19, 2024

Беше истакнато дека овие напади се совпаѓаат со посетата на американскиот државен секретар Ентони Блинкен на Саудиска Арабија и Египет.

Во соопштението од Кабинетот на израелскиот премиер Бенјамин Нетанјаху на 15 март, беше објавено дека Нетанјаху го одобрил планот за можна воена операција јужно од градот Рафах.