Компанијата „Figure AI“ создаде хуманоиден робот за кој тврд дека може да чисти, да наводнува растенија и да извршува други основни задачи низ куќата – со невидена прецизност.
„Figure AI“ се опишува себеси како „прва компанија за роботи со вештачка интелигенција“ чија мисија е да „оживее хуманоиди со општа намена“. Со нивниот најнов изум, се чини дека ја постигнале оваа цел. Хуманоидниот робот наречен Figure 03 изгледа како кукла, пишува Dexerto.com- пренесе Бизпортал. Се движи како човек, благодарение на неколку технички иновации кои му помагаат да се движи и да извршува едноставни задачи.

Моделот работи на системот Helix, кој компанијата го опишува како „Визија-Јазик-Акција вештачка интелигенција“ што му помага да „размислува“ и да ги претвора визуелните влезни податоци во дејства. Во основа, тоа е мозокот на целата операција.

Што може да направи 03? Роботот висок приближно 1,73 метри има сензорски пакет и систем на раце, како и визуелен систем од „следната генерација“ кој „Figure AI“ специјално го развил високофреквентниот визуелномоторен систем за контрола“. Веб-страницата на компанијата на која се рекламира 03 го прикажува хуманоидот како мие садови, носи послужавник со храна, па дури и извршува посложени задачи, како што се ракување со машина за перење и избирање циклуси.

Најимпресивна е неговата спретност со која ги користи рацете и прстите.

– Сакаме роботот да може да ги прави повеќето работи во вашиот дом, автономно, цел ден… Сè уште не сме таму. Мислиме дека можеме да го постигнеме тоа до 2026 година – изјави за „Time“ основачот и извршен директор на компанијата, Брет Адкок, пишува „Blic“.

Компанијата вели дека нивниот робот е наменет за масовно производство, но, според Dexerto.com, „Figure AI“ всушност создал синџир на снабдување и „целосно нов процес за производство на хуманоидни роботи“ во „BotQ“ – нивниот внатрешен производствен погон.

Цената на ова задоволство во вашиот дом е сè уште е доста висока, иако компанијата вели дека 03 може да се произведува со „пониски трошоци за производство“. Порано оваа година, Адкок рече дека моделот би можел да се продава за 20.000-30.000 долари.