Кошаркарите на Њујорк никс приредија oдлична вечер за своите навивачи откако со пресврт во „Медисон Сквер Гарден“ го совладаа Хјустон рокетс по со 108-106 во рамките на НБА.

Никси во последната четвртина имаа негатива од 18 поени, но со фантастична серија направија целосен пресврт и во самиот финиш стигнаа до голема победа.

Во поразениот табор блескаше Кевин Дурант со 30 поени, но неговиот учинок не беше доволен за „ракетите“ да избегнат неуспех. Кај домаќините најрасположен беше Карл-Ентони Таунс, кој натпреварот го заврши со 25 поени и одигра клучна улога во камбекот.

Во одлична форма се и Сан Антонио Спарс, кои ја запишаа осмата победа по ред, триумфирајќи на домашен терен против Сакраменто кингс со 139-122. Лидер на тимот беше младиот феномен Виктор Вембањама со 28 поени и 15 скока, додека кај гостите се истакнаа Мареј и Дерозан со по 20 поени.

На останатите средби, Мајами хит славеше против Мемфис гризлис (136-120), Детроит пистонс беше поуспешен од Чикаго булс (126-110), додека Њу Орлеанс пеликанс триумфираше над Филаделфија 76ерс со 126-111.