Денеска продолжија возбудувањата на Светското кошаркарско првенство со натпреварите од првото коло во групната фаза, Бразил во групата „Г“ без никакви проблеми триумфираше над Иран со 100:59. За јужноамериканската селекција прв стрелец беше Бруно Кабокло со 16 поени и седум асистенции, а на спротивната страна за азискиот претставник Матин Ахјанпур постигна 11 коша.

Потоа, во рамките од групата „Ц“ репрезентацијата на Грција убедливо со 92:71 го совлада Јордан, иако ваков резултат не се најавуваше по три одиграни четвртини. Во победничките редови доминираше Јанулис Ларенцакис со 19 поени, а за Јордан се истакна Рондае Холис-Џеферсон со 24 поени и девет скокови.

Во првата четвртина водеше Јордан со 10:4, но по првите 10 минути Грците беа во предност со 19:14. Во втората четвртина Грците веќе имаа и двоцифрена позитива, а непосредна пред паузата водеа со 46:32.

Не се предаваа кошаркарите на Јордан, во третата четвртина се вратија резултатски и на семафорот имаа само „минус три“ (58:61), но тоа беше нè што сторија. Следуваше нова серија на поени на нашиот јужен сосед кој повторно стекна двоцифрена разлика (62:72), а потоа до крајот на натпреварот предноста постепено само ја зголемуваше.

Во групата „Ф“ Грузија со 85:60 беше подобра од Зелен `Рт, а по едно одиграно продолжение Порторико во групата „Б“ го совлада Јужен Судан (101:96, 81:81).

За Грузија прв стрелец беше Торнике Шенгелија (16 поени, седум скокови), а за Зелен `Рт најефикасен беше Кенети Мендес со 11 коша. За Порторико „дабл-дабл“ учинок од 21 поен и 13 скокови оствари Стивен Томпсон, а за Јужен Судан недоволна беше одличната партија на Карлик Џонс од 38 поени, шест скокови и 11 асистенции.