ВИДЕО: Медведев елиминиран, рускиот тенисер ги загуби нервите во Париз
Данил Медведев во рамките од второто коло доживеа сензационален пораз на АТП мастерс турнирот во Париз, Франција. Рускиот тенисер, како четврти носител на турнирот, загуби со 2:1 во сетови 4:6, 6:2 и 7:5 од Австралиецот Алекс Де Минор.
Медведев не можеше спортски да го поднесе поразот, по последниот гем ги загуби нервите и го скрши рекето, а потоа незадоволен се сврте и кон публиката на трибините.
По ова следеше негодување на присутните фанови на тенисот, кои згрозени од однесувањето на Медведев, со свирежи го испратија разбеснетиот тенисер од теренот.
Во другите денешни мечеви Циципас ја оправда фаворитската улога против Еванс (6:3, 6:4), потоа Алкараз не дозволи изненадување против Нишиока (6:4, 6:4), а потешко од очекувањата Оже-Алијасим со 6:7 (6), 6:4, 7:6 (6) го елиминираше Имер.
Мусети беше подобар од Басилашвили (6:4, 6:2), Димитров со 6:0 и 7:5 го совлада Фоњини, додека Тиафо со 6:3 и 7:5 забележа победа над Дрејпер.
DEMON BREAKS THROUGH 🇦🇺
Having lost his first 18 matches vs top 5 opponents, @alexdeminaur stuns world No.3 Medvedev in Paris!#RolexParisMasters pic.twitter.com/u4tseAb3P8
— Tennis TV (@TennisTV) November 2, 2022