Томас Тухел на кормилото на англиската репрезентација стигна до втората победа во вториот натпревар откако вечерва „Гордиот Албион“ славеше над Летонија со 3:0.

Летонците одолеваа на почетните напади на Англичаните, но нивниот отпор беше скршен со голот на Рис Џејмс од слободен удар во 38. минута.

За вториот гол се чекаше се до 20-тина минути пред крајот кога погоди Хари Кејн, а конечните 3:0 ги постави фудбалерот на Кристал Палас, Езе.

На останатите средби Албанија лесно ја совлада Андора со 3:0, Босна со 2:1 беше подобра од Кипар, Полска се радуваше над Млата со 2:0, Романија беше убедлива на гости кај Сан Марино со 1-4, додека Литванија и Финска ги поделија бодовите одигрувајќи 2:2.