ВИДЕО | Лејкерс без Леброн и по две продолженија подобри од Милвоки, продолжи серијата на Дончиќ и Далас
Лос Анџелес Лејкерс и без Леброн успеа да слави на гости кај Милвоки со 128:124, додека Далас и Дончиќ ја продолжија одличната форма со победата против Скараменто од 132:94.
Во последниот период Милвоки имаше предност од 19 поени разлика (94:75), но од тој момент постигнаа само уште седум поени и така им дозволија на Лејкерс да се вратат во игра. Немаше победник и по првото продолжение, па се играа дополнителни пет минути.
Двете екипи се менуваа со водството, а на крајот Лејкерс беа подобри во завршницата од второто продолжение и обезбедија победа. Ентони Дејвис одигра фантастичен натпревар со дабл-дабл од 34 поени и дури 23 скока, но тука беше и Ривас со трипл-дабл (29 поени, 14 скокови и 10 асистенции). Во редовите на Милвоки до трипл-дабл со 29 поени, 21 скока и 11 асистенции стигна Јанис Адетокумбо.
Далас игра во одлична форма и убедливата победа против Сакраменто за нив беше петта во низа и деветта на последните десет натпревари. Најефикасен и сега беше Лука Дончиќ со 28 поени и 11 скокови, поддршка му беше Кајри Ирвинг со 24 поени. За Сакраменто Фокс уфрли 18 поени.
НБА РЕЗУЛТАТИ:
Мајами – Голден стејт 92-113
Милвоки – ЛА Лејкерс 124-128
Њу Орлеанс – Оклахома 112-119
Сакраменто – Далас 96-132