Министрите за надворешни работи на Јапонија и на Кина денеска се согласија да работат заедно во борбата против коронавирусот и за обнова на економиите погодени од пандемијата, истовремено барајќи решение за тензиите што се случуваат околу спорните острови во Источното Кинеско Море.

Кинескиот министер за надворешни работи Ванг Ји, кој денеска пристигна во Токио да разговара со својот колега Тошимицу Мотеги, се согласи дека треба да се продолжи со деловниот план меѓу двете земји, преку програма што ќе им овозможи на посетителите да се занимаваат со деловни активности за време на двонеделниот карантин.

Јапонија неодамна почна вакви договори со Сингапур, Јужна Кореја и Виетнам.

Двете земји имаат намера да продолжат со работа на крајот на овој месец, иако Јапонија се бори со зголемен број луѓе заболени од Ковид-19.

– Очекувам договорот да придонесе за зајакнување на економските односи меѓу Јапонија и Кина и ќе служи за унапредување на разбирањето меѓу нашите нации. Односите Јапонија-Кина се важни, не само за нашите земји, туку и за целиот регион, рече Мотеги.

Извор.МИА