Кошаркарите на Денвер во вториот натпревар од новата сезона стигнаа до првата победа и тоа го совладаа актуелниот шампион Голден Стејт на гостински терен со 123:128.

Фантастичен натпревар одигра повторно актуелниот МВП во НБА лигата, Никола Јокиќ. Српскиот кошаркар стигна до својот 77. трипл-дабл во најсилната кошаркарска лига. Јокиќ натпреварот го заврши со 26 поени, 12 скока и 10 асистенции.

Денвер одигра фантастична прва четвртина во која постигна 40 поени, додека во втората се истакнаа со одлична одбрана и му дозволија на противникот да постигне само 18 поени. На пауза така заминаа со одлични 70:52. Во редовите на Денвер најдобар беше Стеф Кари со 34 поени.

Интересна завршница видовме во Портланд каде што домаќините го добија Феникс со 113:111 и тоа после продолжение од пет минути. Лилард постигна 41 поен, додека победничкиот кош беше дело на Енферни Симонс кој мечот го заврши со 16 поени. До дабл-дабл стигна Јусуф Нуркиќ со 20 поени и 17 скока.

За издвојување е и супер настапот на Џа Морант кој со 49 поени го водеше Мемфис до победа против Хјустон 129:122.

НБА РЕЗУЛТАТИ: Шарлот – Њу Орлеанс 112-114, Индијана – Сан Антонио 134:-137, Вашингтон – Чикаго 102-100, Атланта – Орландо 108-98, Бруклин – Торонто 109-105, Мајами – Бостон 104-111, Њујорк – Детроит 130-106, Хјустон – Мемфис 122-129, Минесота – Јута 126-132 (прод.), Голден Стејт – Денвер 123:128, Портланд – Феникс 113-111 (прод).