Фудбалерите на Интер од Мајами го освоија Лига купот откако во финалето по подоброто изведување на пенали со вкупен резултат 11:10 го совладаа Нешвил.

Натпреварот по 90 минути заврши без победник 1:1. Интер поведе со голот на Лионел Меси во 23 минута. Ова беше 10 гол на Аргентинецот во седмиот натпревар во дресот на клубот од Мајами. Домашните израмнија во 56 минута со голот на Фафа Пико.

Екипата на Интер Мајами реализираше 10 од 11 пенали, а еден помалку играчите на Нешвил.

Во последната, 11 серија, голманот на Интер, Дрејк Календер беше прецизен од 11 метри, а потоа му одбрани пенал на противничкиот голман Елиот Панико. Интер Мајами го освои првиот трофеј во клупската историја.

Меси стигна до 44 пехар во кариерата, освоени во периодот од 2004 до 2023 година, и Аргентинецот е играчот со најмногу трофеи во историјата на фудбалот.

Lionel Messi now becomes the most decorated player in football history with 44 titles since 2004 to 2023. ✨🇦🇷 pic.twitter.com/6qFbg5gtq5

— Fabrizio Romano (@FabrizioRomano) August 20, 2023