ВИДЕО | Интер лесно се справи со Лацио и закажа финале во италијанскиот Суперкуп против Наполи
Тимот на Интер закажа финале против Наполи во италијанскиот Суперкуп во Ријад откако вечерва со 3:0 беше подобар од Лацио.
Лацио вечерва немаше што да бара, Интер едноставно беше подобар тим и доминираше од почетокот до крајот и заслужено си обезбеди место во натпреварот за трофејот. Резултатот беше отворен по 17 минути игра кога по една одлична акција Турам ја затресе мрежата Проведел.
Тоа беше единствениот гол во првото полувреме, а на самиот старт од вториот дел Чалхноглу реализираше пенал и зголеми на 2:0. Тука веќе стануваше кој ќе биде победникот. Конечните 3:0 на три минути пред истекот на регуларните 90 ги постави Фратези.
Ќе потсетиме, со истиот резултат Наполи вчера ја победи Фиорентина. Финалето помеѓу Интер и Наполи се игра во понеделник од 20:00 часот.