Силниот земјотрес што утрово го погоди Асам во Индија, ја кутна на колена земјата која со недели се бори за животот на пациентите заболени од коронавирусот.

Земјотресот со јачина од 6,2 степени според Рихтеровата скала, според видеоснимките споделени на Твитер предизвика материјални штети во североисточната индиска држава при што беа оштетени станбени згради и повеќе патишта.

First video of aftermath of Assam Earthquake on Twitter.

Huge damage in Assam’s Nagaon district at Signature Apartment. No casualties report yet. 🙏🏻#earthquake #Assam #NorthEastIndia pic.twitter.com/U2kx6vQH8S

— Licypriya Kangujam (@LicypriyaK) April 28, 2021

Американскиот институт за геолошки истражувања потврди дека епицентарот на земјотресот бил на длабочина од 34 километри, северно од главниот град Гуваати.

Надлежните екипи се на терен и се очекуваат извештаи за жртви и материјална штета, пренесува Ројтерс, иако досега нема официјални податоци.

Бројни Индијци останаа шокирани од глетката кога потресот предизвика рушење на ридот во областа Удалгури.

Part of Bhairabkunda hill in Udalguri district near bhutan border in #Assam broke away after the #earthquake that hit the state today at 7:51 a.m.#Assam#earthquake#PrayForAssam #Tezpur #Northeast #Udalguri #India #Earthquakeindia pic.twitter.com/upHgBtMtaX

— Rising Northeast (@NortheastRising) April 28, 2021

Европскиот сеизмолошки центар за Медитеранот измери дека земјотресот во Асам бил 6,2 степени, објави Ројтерс.

Силни земјотреси се почувствуваа во неколку наврати во неколку североисточни области на Индија и во соседен Бутан, принудувајќи стотици луѓе да ги напуштат своите домови.