ВИДЕО: Ѓоковиќ го најави пресвртот, Србија закажа полуфинале со Хрватска

Српските тенисери ја имаа клучната победа во двојки против Казахстан/Мадрид, Шпанија/1 декември 2021/Фото: EPA-EFE/JUANJO MARTIN

Тениската репрезентација на Србија се пласираше во полуфиналето на Дејвис куп натпреварувањето откако со 2:1 триумфираше над Казахстан.

Најпрвин за селекцијата на Казахстан предност донесе Михаил Кукушкин со победата над Миомир Кецмановиќ со 7:6 (5), 4:6 и 7:6 (11).

Во вториот сингл меч првиот светски рекет Новак Ѓоковиќ се погрижи за израмнување. Со 2:0 во сетови Ноле за еден час и 18 минути игра го совлада Александер Бублик.

Победникот се решаваше во двојки во кои Србите го комплетираа својот пресврт, Ѓоковиќ заедно со Никола Чачиќ беа подобри со 2:1 од Андреј Голубев и Александр Недовјесов.

Во полуфиналето Србите ќе ги одмерат силите против Хрватска, а мечевите се на програмата в петок.

Видео на денот