Кошаркарите на Филаделфија изминатата ноќ во НБА лигата на гостински терен го совладаа Бруклин со 110:102 и така стигнаа до третата победа во низа.

Сиксерси беа предводени од Камерунецот Џоел Ембид со 34 поени, Тајрис Мајкси запиша 25, а Сет Кари 17 поени.

Во редовите на Нетси по две недели се врати една од најголемите ѕвезди, Кевин Дурент, постигна 33 поени, колку и Џејмс Харден, кој забележа 14 скока и 10 асистенции.

Играчите на Милвоки ја забележаа петтата победа во низа, откако синоќа беа подобри од Орландо со 136:118, предводени од Јанис Адетокунбо, кој забележа 33 поени. Џру Холидеј додаде 25 поени за победничката екипа, Крис Мидлтон 22. Од друга страна, Франц Вагнер беше најдобар со 20 поени.

Вашингтон го победи Кливленд со 110:93, а најзаслужен за тоа беше Бредли Бил, кој во првиот натпревар после 12 дена реализираше 29 коша и 10 асистенции. Кајл Кузма имаше 25 поени и 10 скока за победничкиот состав, додека Кевин Лав беше најдобар кај Кливленд со 24 поени и 11 скока.

НБА лига, резултати –

Бруклин нетс – Филаделфија сиксерс 102:110
Орландо меџик – Милвоки бакс 118:136
Вашингтон визардс – Кливленд кавалирс 110:93
Денвер нагетс – Голден Стејт вориорс (одложено)

Источна конференција –

Табела:
1. Бруклин нетс 23-10
2. Чикаго булс 22-10
3. Милвоки бакс 24-13
4. Мајами хит 22-13
5. Кливленд кавалирс 20-15
—

Западна конференција –

Табела:
1. Голден Стејт вориорс 27-7
2. Феникс санс 27-7
3. Јута џез 25-9
4. Мемфис гризлис 22-14
5. Денвер нагетс 17-16
—