Бостон Селтикс во голем стил израмни во серијата против Филаделфија на 1:1 откако во вториот натпревар славеа убедлива победа од 121:87.

Натпреварот во „ТД Гарден“ не понуди многу неизвесност и драма, домаќините од самиот почеток ја најавија победата и не му оставија премногу простор на ривалот. Филаделфија сега го имаше Ембид во составот, но и со него Бостон доминираше на паркетот.

Новиот МВП во НБА лигата се врати во составот по пауза од неколку натпревари поради повреда меѓутоа постигна само 15 поени. Слаб натпревар одигра и Џејмс Харден кој постигна само 12 поени и имаше шут од игра 2/14. Во редовите на Бостон најдобри беа Браун со 25 и Брогдон со 23.

Сега серијата се сли во Филаделфија каде што ќе се играат два натпревари, а потоа се враќа во Бостон.