Македонскиот репрезентативец, Елиф Елмас, одигра 52. минути но не можеше да го спречи убедливиот пораз на Наполи на гостувањето во Бергамо кај Аталанта во 23. коло во Серија А.

Аталанта славеше со 4:2 иако првото полувреме заврши без голови. Гол шоуто во второто полувреме го отвори Дуван Запата во 52. минута. Наполи одговори во 58. минута преку Зјелински, но радоста на гостите траеше само шест минути бидејќи Госенс повторно ја врати Аталанта во водство, за Мјуриел во 71. минута да погоди за водство од 3:1.

Надежите на Наполи да го избегне поразот ги зголеми Госенс со автоголот во 76. минута, но три минути подоцна тие исчезнаа откако Ромеро ги постави конечните 4:2 за тимот од Бергамо.
Со победата над Наполи, Аталанта се искачи на четвртото место на табелата со 43. бода, додека тимот на Елмас остана на седмата позиција со 40. бодови.