ВИДЕО: Ејбрахам со Рома урна рекорд стар 60 години
Фудбалерите на Рома убедливо го совладаа Торино на гости со 0:3 (0:2) во последното коло од италијанската Серија А и со тоа се сигурен учесник во Лигата на Европа за следната сезона.
Од првиот момент на средбата римската „волчица“ наметна свое темпо, го одржа нивото на игра и со двата брзи гола на Теми Ејбрахам стекна убава предност.
Се играше во 33 минута кога Ејбрахам после асистенцијата на Пелегрини изведе „магија“ и уште еднаш покажа дека има голема самодоверба оваа сезона, а во 42 минута од пенал ја зголеми позитивата.
Со тие два гола, Ејбрахам стана најдобриот англиски стрелец во една сезона во Серија А. Рекордот го држеше Гери Хиченс во дресот на Интер од сезоната 1961/62.
До крајот на натпреварот видовме уште еден пенал кој го претвори Лоренцо Пелегрини во гол за убедливи 0:3.
Рома со оваа победа обезбеди учество во Лига Европа следната сезона, па барем ќе го симне тој притисок пред финалето на Лигата на конференции со холандскиот Феенорд на 25 мај во Тирана, Албанија.