ВИДЕО: Денвер победува на крилјата на Јокиќ
Кошаркарите на Денвер нагетс со 104:95 го совладаа најдобриот тим во Источната конференција, Филаделфија сиксерс. Речиси се беше решено во првата четвртина која Денвер ја доби со 44:22 и без никакви проблеми го приведе натпреварот до самиот крај.
Никола Јокиќ со 21 поен и 10 скокови беше еден од најзаслужните за победата, а одлична партија одиграа и Џамал Мареј со 30 и Мајкл Портер со 27 поени. Во редовите на Филаделфија, Тобајас Херис постигна 12 поени.
Шарлот со 114:104 славеше на гостувањето кај Вашингтон. Тери Розиер со 27 поени беше најдобар во победничкиот тим, додека на спротивната страна, Расел Вестбрук оствари нов трипл-дабл од 22 поени, 15 скокови и 14 асистенции.
Изненадувачки резултат во Лос Анџелес каде Клиперси загубија од Орландо со 103:96. Во редовите на Орландо кој го размени тројцата најдобри играчи, најрасположен за игра беше Чума Океке со 18 поени, додека кај Клиперси, Каваи Ленард даде 28 поени.
Феникс санс со 117:110 го победи Атланта и остана на второто место во Западната конференција.