Американскиот актер и боречка ѕвезда Чак Норис пред неколку дена го прослави својот 84. роденден, а по тој повод сподели видео на Инстаграм со своите 1,6 милиони следбеници. Во видеото може да се забележи дека актерот сè уште е во одлична физичка форма, иако повеќе ги нема брадата и долгата бакарна коса по кои беше препознатлив.

„Можеби имам 84 години, но се чувствувам како да имам 48“, вели во краткото видео на кое удира боксерска вреќа, а потоа им се заблагодари на фановите за честитките.

Инаку, Чак всушност стана познат сосема случајно. Во текот на 1950-тите и 1960-тите, тој служел во војска кога се заинтересирал за боречки вештини, што на крајот го навело да се занимава со глума. Во текот на 1970-тите и 1980-тите, тој беше една од најголемите акциони ѕвезди во Холивуд.

Денес тој ретко се појавува во јавноста, а веќе 36 години е во среќен брак со поранешната манекенка и актерка Џена О’Кели, со која има три деца, додека со поранешната сопруга Дајан Холечек има два сина.