ВИДЕО | Барселона го „реши“ Виљареал за едно полувреме
Барселона во 10. коло од Ла Лига на „Камп Ноу“ го совлада Виљареал со 3:0.
Натпреварот против Виљареал Барселона го реши во последните 15 минути од првото полувреме кога Каталонците постигнаа три гола. До водство стигнаа преку Роберт Левандовски кој ја погоди мрежата после нафрлувањето на Жорди Алба.
Четири минути подоцна Левандовски повторно се најде во центарот на вниманието. Одлично ја прими топката на 20-тина метри и спектакуларно погоди за 2:0. Точка на натпреварот стави Феран Торес во 38. минута.
Можеше тимот на Чави да постигне уште некој гол во овој натпревар, сепак како да недостасуваше концентрација во завршницата од акциите. Од друга страна Виљареал не покажа скоро ништо на овој натпревар и го одигра еден од најлошите натпревари во сезоната.
Барселона и понатаму заостанува три бода зад Реал Мадрид, Каталонците имаа 25 бода од можни 30, а Реал 28. Виљареал не блеска оваа сезона и се наоѓа на деветтата позиција со 15 бодови.