ВИДЕО: Атлетик Билбао сè поблиску до ЛШ, Жирона ја губи трката со Реал Мадрид
Во рамките од 25 коло од најсилното шпанско фудбалско првенство екипата на Атлетик Билбао со 3:2 ја совлада Жирона.
По првото полувреме водеа домаќините со погодокот на Беренгер реализиран уште во втората минута.
На стартот од вториот дел израмнија гостите преку Циганков, а потоа за период од четири минути Атлетик Билбао постигна два гола.
По втор пат во листата на стрелците се запиша Беренгер во 56 и Вилијамс во 60 минута. До крајот на мечот гостите успеаја само да го ублажат поразот во 75 минута со голот на Е. Гарсија.
На табелата Жирона е на втората позиција со 56 бодови, шест помалку од водечкиот Реал Мадрид, додека Атлетик Билбао е на петтото место со 49 бодови, зад третопласираната Барселона (54) и Атлетико Мадрид (51) на четвртата позиција.