ВИДЕО: Андреј Јакимовски со рекорд на кариерата во НЦАА лигата
Македонскиот репрезентативец Андреј Јакимовски со најдобар учинок во неговата кариера во новиот натпревар за Вашингтон Стејт. Јакимовски ноќеска го одигра својот најдобар поентерски меч откако е дојден во составот на Вашингтон Стејт, и беше најзаслужниот за победата на популарните „Кугарс“ на средбата против Аризона Стејт (75:58).
Нашиот играч на паркетот беше 31 минута, а за тој период постигна 22 поени што е негов нов личен рекорд во НЦАА лигата во кариерата.
Скор подобар од досегашниот кој изнесуваше 19 поени, а ги реализира пред две години. На овој натпревар кој долго ќе го памети, Јакимовски реализираше пет тројки од 10 обиди, а додаде уште седум скока и три асистенции, за вкупен индекс 24.
Македонското репрезентативно крило долго време се мачеше со повреди, пропушти голем дел од сезоната, а досега одигра само 11 мечеви.
По овој триумф, Вашингтон Стејт Универзитетот се наоѓа на деветтата позиција во Пацифик-12 дивизијата и моментно има биланс од 10 победи и 13 порази.