Фудбалерите на Ајакс на свој терен убедливо со 4:0 го совладаа шкотскиот Ренџерс во првиот натпревар од групата „А“ од Лигата на шампионите.

Холандскиот гигант на „Јохан Кројф Арена“ веќе во првото полувреме го реши прашањето на победникот, во периодот од 17 до 33 минута постигна дури три гола. Првиот беше дело на Мартинез, вториот на Бергхуис, додека Кудус зголеми на 3:0.

Во вториот дел од играта Ајакс си ја заврши работата и одигра колку што беше потребно за да го одржи и зголеми водството. Се играше 80 минута кога Бергвајн ги постигна конечните 4:0.

Во првиот меч од групата „Б“ триумфираше екипата на Спортинг, која во Франкфурт го совлада германскиот Ајнтрахт со резултат 0:3.

Сите три гола на Португалците дојдоа во второто полувреме, во 65 минута Едвардс ја затресе мрежата на Ајнтрахт, само две минути подоцна Тринкао погоди за 2:0, а Сантош во 82 минута го постави конечниот епилог.