Со дуелот против Веспрем денеска (17.00 часот) во Скопје ќе заврши 10. од предвидените 14 кола во групната фаза во Лигата на шампионите. Европскиот шампион Вардар и за овој меч има проблеми со составот, бидејќи дел од играчите се уште се повредени, а дел во процес на рехабилитација.

Ова ќе биде дуел на екипите што во Келн го играат финалето минатата сезона во ЛШ и тимовите што имаат најмногу титули во СЕХА Газпром лигата. Овојпат фаворитската улога „црвено-црните“ ја препуштаат на Унгарците и нашиот репрезентативец Дејан Манасков, токму поради фактот што во македонскиот првак ќе нема на располагање неколку стандардни и клучни ракометари.

На овој дуел ќе го нема и Кристијан Дисингер кој повредата мораше да ја санира со операција. Во четвртокот беше опериран и неговата рехабилитација ќе трае четири-пет месеци.

Неизвесно е дали ќе игра Даинис Криштопанс неизвесен, па во таква ситуација и со доста недоволно опоравени играчи ќе мора Вардар да игра и да смисли нова стратегија да стигне до победа. На првиот меѓусебен меч сезонава одигран во Унгарија, екипата на Веспрем славеше со конечен резултат 39:30.

Во составот има нов голман, па така наместо досегашниот стандарден Артурс Кугис, повикан е Васил Гогов, а се врати Сергеј Горбок.

Вардар: Гогов, Гедбан, Кизиќ, Атман, Чупиќ, Дибиров, Димитриоски, Горбок, Горпишин, Калараш, Криштопанс, Кукуловски, Шишкарев, Сикошек Пелко, Скубе, Стоилов.

На спротивната страна се наоѓаат четири екс играчи на Вардар, Дејан Манасков, Вуко Борозан, Рожерио Фереира Мораеш и Арпад Штербик.

Лига на шампиони

Група „Б“, 10. коло

Мотор Запорожје-Порто 33:29
Кјелце-Мешков Брест 30:24
Кил-Монпелје 33:32
Денеска (17.00 часот) Вардар-Веспрем

Табела:

1.Кил 16 бодови
2.Веспрем 12
3.Кјелце 12
4.Монпелје 11
5.Порто 10
6.Вардар 9
7.Мотор Запорожје 4
8.Мешков Брест 4