Утврден бројот на пратеници во новиот состав на бугарскиот Парламент
Централната изборна комисија на Бугарија објави распределба на бројот на места во 46-то Национално собрание. Како што јави дописникот на МИА од Софија, партијата на Слави Трифонов „Има таков народ” ќе има 65 пратеници, а ГЕРБ-СДС – 63.
За време на состанокот на ЦИК се појавија тензии поради одлуката за почитување на изразената желба на лидерот на ГЕРБ и долгогодишниот бугарски премиер Бојко Борисов да не биде прогласен за пратеник.
Пратеничката група на „БСП за Бугарија” ќе биде составена од 36 пратеници, „Демократска Бугарија” – од 34, од Движењето за права и слободи – од 29, од „Исправи се! Мафијата надвор!” – од 13.
- 201 гласачи гласаа – „Јас не поддржувам никого”. Не се избрани независни кандидати.
Прагот од четири отсто за влез во парламентот на Бугарија е 109.266 гласа. Со одлука на Централната изборна комисија четворица избрани пратеници ќе ги ослободат своите места. Бојко Борисов ќе ослободи две места, бидејќи беше лидер во два региона.