УЕФА продала едно финале во Лигата на шампионите за 2.4 милијарди евра на Абу Даби?
Најмалку едно финале во Лигата на шампионите до 2030 година ќе се игра во Абу Даби. Според информациите на неколку познати светски медиуми УЕФА потпишала договор вреден 2.4 милијарди со Владата на Обединетите Арапски Емирати.
Ваквите најави воопшто не им се допаѓаат на навивачите ширум Европа кои сметаат дека тој потег е исклучиво финансиски мотивиран и дека никој не ги прашал навивачите како ќе присуствуваат на тој натпревар.
Новинарот Франсиско Равадан од шпанскиот „ОК Диарио“ пренесува дека преговорите помеѓу маркетинг тимот на УЕФА и Министерството за култура и Туризам во ОАЕ траеле со месеци и дека на крајот договор бил постигнат, а се било одобрено и од претседателот на УЕФА, Александар Чеферин.
Наскоро се би требало да биде официјализирано, а договорот би бил потпишан на шест години и ќе важи до 2030.
Медиумите истакнуваат дека овој договор на УЕФА е обид на Чеферин да обезбеди повеќе пари за да ги откаже клубовите од идеите за настап во долгонајавуваната Суперлига. Најавите се дека официјализација ќе следи на 8. февруари на седницата на извршниот одбор на УЕФА.
Исто така градот Абу Даби ќе добие и организација на Суперкупот на Европа кој ќе се игра во формат на фајнл-фор.