Според неименувани извори во европската куќа на фудбалот, „ЕСПН“ дознава дека ваквата одлука би била доволна за екипите кои учествуваа во формирањето на Суперлигата, да се дистанцираат од истата за да избегнат исфрлање од натпреварувањата под капа на УЕФА.

Минатиот месец 12 европски гиганти (Манчестер сити, Манчестер јунајтед, Ливерпул, Челси, Арсенал, Тотенхем, Реал Мадрид, Барселона, Атлетико Мадрид, Јувентус, Интер и Милан) ја формираа Суперлигата, но, по само 48 часа осум тима се откажаа од истата.

Притисоците од УЕФА, владите, медиумите и навивачите ги натераа прво шесте англиски екипи да се повлечат од Суперлигата, а потоа истото го сторија и Атлетико Мадрид и Интер, додека сè уште верни на проектот се Реал Мадрид, Барселона, Јувентус и Милан.

Американскиот медиум додава дека челниците на УЕФА во изминатите десетина дена разговарале со претставници на сите 12 клубови со намера да добие формална потврда дека во иднина нема да работат на заживување на проектот европска Суперлига.

До денеска, УЕФА се договорила со седум клубови, тоа се Арсенал, Челси, Манчестер сити, Манчестер јунајтед, Ливерпул, Тотенхем и Атлетико Мадрид, додека блиску до договор е и со Интер.

Останатите четири екипи (Реал Мадрид, Барселона, Јувентус и Милан) и понатаму остануваат на својот став дека сакаат во блиска иднина да се формира Суперлигата, но со тоа ризикуваат да бидат казнети од УЕФА.

Европската куќа на фудбалот може да се повика на членот 51 од нејзиниот статут според кој „нема здружување на клубовите или Федерациите без дозвола на УЕФА“ кој според истата е доволен да се посегне по санкции за клубовите бунтовници.

Од друга страна,двата шпански и италијански тима сметаат дека не ги прекршиле прописите бидејќи од УЕФА и ФИФА барале „признание“, а не „делење“ и дека се чисти.