УЕФА ја започна истрагата, со каква казна се соочува Арнаутовиќ?
Европската фудбалска унија (УЕФА) денеска информираше дека ќе ги испита тврдењата дека австрискиот репрезентативец Марко Арнаутовиќ го навредил репрезентативецот на Македонија, Езџан Алиоски, на национална основа за време на натпреварот на Европското првенство.
Фудбалската федерација на Македонија (ФФМ) побара од УЕФА да го казни Арнаутовиќ, кој, како што се тврди, упатил навреди на национална основа кон Алиоски, откако тој постигна гол во неделата.
Таткото на Арнаутовиќ е инаку Србин, а мајка му е Австријка. Се очекува во следниот период каква ќе биде евентуалната казна од УЕФА за Арнаутовиќ.
Според дисциплинските правила на УЕФА, играчот може да добие казна од најмалку 10 натпревари за навреда на расна и етничка основа.
Арнаутовиќ веднаш по мечот се извини и рече дека не е расист, но дека некои зборови се изговорени од емоционален набој.
Арнаутовиќ вели дека немало инцидент со Алиоски: Не сум расист