Во Кривичниот суд беше соопштена пресудата за убиството на дваесетгодишниот Никола Саздовски, случај во кој обвинети се Бесир Беља, Скендер Демири и уште едно лице кое е во бегство.

Обвинетите се прогласени за виновни за убиство на свиреп начин на Никола Саздовски, кој од тешките повреди од тепањето добил внатрешно крварење на мозокот и подоцна починал.

Сите тројца се осудени на по 19 години затвор.

За 15 дена од правосилната осуда, обвинетите ќе треба да ги платат и судските трошоци. За материјалната штета што ја побарало семејството на жртвата Судот одлучи осудените Бесир Беља и Скендер Демири да платат по 1.2 милиони денари на секој член посебно од семејството.

За двајцата обвинети Судот одлучи до правосилноста на пресудата да останат во притвор.