Косовската полиција потврди за Радио Слободна Европа дека тројца странски државјани биле уапсени во петокот, откако добиле информации од ИНТЕРПОЛ дека „граѓани од Исток се бараат за случај во друга земја“. Според досегашните информации се работи за убиството што се случи во Босна и Херцеговина.

„Апсењето на овие три лица беше извршено само врз основа на нивниот изглед, бидејќи тие немаат лични документи. Полицијата ќе се справи со овој случај заедно со локалните и меѓународните институции и ќе се преземат понатамошни чекори врз основа на правни процедури”, се вели во соопштението. Министерството за внатрешни работи на кантонот Сараево во петокот соопшти дека едно лице е уапсено во Приштина, кој е осомничен за едно убиство и два обиди за убиство во населбата Илиџа во Сараево на 17 ноември.

„Тоа лице беше лишено од слобода од страна на приштинската полиција во близина на разрушена куќа во населбата Емшир и во соработка со надлежните институции, се преземаат понатамошни мерки и активности за негова екстрадиција“, се вели во соопштението на властите на Босна и Херцеговина.

Ден претходно, на 26 ноември, во Белград беше уапсен уште еден осомничен за убиството во Илиџа, 31-годишен марокански државјанин, кој се криел во хостел. Апсењата во Приштина и на 26 ноември во Белград, беа резултат на директната соработка меѓу полицијата на кантонот Сараево, Србија и Косово. За време на инцидентот меѓу неколку лица, едно лице е убиено, а двајца се повредени.

Полицијата на кантонот Сараево соопшти дека три лица, мигранти, се осомничени за сторени кривични дела „убиство“ и „тешка телесна повреда“.

БиХ ќе побара екстрадиција на уапсениот мигрант од Србија

Сараевската полиција уапси мигрант осомничен за убиство