Трговијата со стоки меѓу Косово и Србија се уште се соочува со пречки на заедничкиот регионален пазар
Шест илјади комерцијални компании во Западен Балкан имаат корист од активноста за промовирање на слободната трговија. Сепак, не сите се согласија со изјавата на премиерот Рама.
Розета Хајдари, министерка за економија и индустрија на Косово, во својот говор застана на признанието што членките на ЦЕФТА треба да му го дадат на Косово. Таа ги повика претставниците на ЕУ да ја принудат Србија да ги признае регистарските таблички на возилата, бидејќи според неа тоа ја парализира трговијата во регионот, пренесува А2 Њуз.
„Регистрацијата на транспортните возила од Србија не се признава. За ова нема резултати и уште не сме примени во ЦЕФТА. Мора да имаме непристрасен третман и ќе ги исполниме целите произлезени од Берлинскиот процес. Косово може да апсорбира многу инвестиции и ние сме заинтересирани да капитализираме“, рече Хајдари.
Иако немаше проблем со признавањето, на потешкотии во извршувањето на трговската размена се пожали и Томислав Момировиќ, министер за внатрешна и надворешна трговија во Србија.
„Денес, пазарот на ЦЕФТА е најважен за соработка со Србија, која претставува близу 60 отсто од трговската размена со Европа. Но, сите овие економски промени создадоа проблеми во економскиот развој и доведоа до долготрајни политички проблеми. Мора да имаме предвид дека и покрај политичките несогласувања во последните две децении, економијата никогаш не била поголема жртва како што е денес, а тоа создава страв кај ранливата заедница“, рече Момировиќ.
Олеснувањето на трговските бариери и унапредувањето на размената на стоки со земјите од Европската унија се меѓу главните цели на процесот Отворен Балкан.
