Тренерот на актуелниот европски шампион Анадолу Ефес, Ергин Атаман, размислува за преселба во НБА лигата ова лето, пишува американскиот новинар Адријан Војнаровски.

Атаман во последните две сезони со Анадолу Ефес ја освојува титулата во Евролигата, и според Војнаровски, тој е подготвен за нов чекор во тренерската кариера, да се пресели во најсилната кошаркарска лига.

One of Europe’s most accomplished coaches – Turkey’s Ergin Ataman – is surfacing as a candidate for assistant coaching jobs in the NBA, sources tell ESPN. Ataman, the Turkish national coach, has won back-to-back EuroLeague titles with Anadolu Efes.

— Adrian Wojnarowski (@wojespn) June 1, 2022

Атаман кој воедно е и селектор на Турција, нема да биде главен тренер, туку тој се гледа како помошник во некоја од екипите во НБА лигата.

Пред да се пресели во НБА лигата, Атаман сака сезоната да ја заврши со двојната круна, односно по титулата во Евролигата, да ја одбрани титулата и во турското првенство. Анадолу Ефес моментно води со 2:1 во победи против Галатасарај во полуфиналето од плеј-офот.