Трамп ПОБЕСНЕТ од свиркачот, упатил и ЗАКАНА: Се знае како се постапува со таквите (ВИДЕО)
Доналд Трамп е снимен како беснее заради жалбата на свиркачот на состанок позади затворени врати. Тој го споредил агентот на ЦИА, кој ја поднел жалбата, и неговите извори со шпиони и дури и сугерирал дека неговите постапки претставуваат предавство.
– Ние сме во војна – рекол претседателот за време на состанокот со американските дипломати во хотелот „Интерконтинентал“ во Њујорк, во четвртокот, на снимката која ја објавиле Блумберг.
Бесниот Трамп го нарекол свиркачот „болен“ и партиски настроен, пред да побара да дознае како тој ги добил информациите за жалбата.
– Сакам да знам кое е тоа лице, кое е лицето кое на свиркачот му ги дал информациите? Бидејќи тоа е блиску до шпионажа. Во основа, тоа лице никогаш не го видел извештајот, никогаш не го чул разговорот, тоа лице е скоро шпион – рекол тој и ја довел во прашање веродостојноста на свиркачот.
Потоа Трамп навел што мисли дека треба да биде казна за свиркачот и неговите извори.
– Знаете што правевме некогаш на времето кога бевме паметни? Така? Шпиони и предавство, тоа го решававме малку поразлично од сега – рекол тој, алудирајќи на користење на најстрогата казна – смртната казна.
Трамп исто така се шегувал дека ќе остане на власт и по 2024 година и покрај уставното ограничување од два претседателски мандати, колку што може да ги врши еден американски државник.
– Велам дека добри ни се шансите да бидеме на чело уште четири години, а потоа, ако сакаме, уште четири, а можеби и после тоа – рекол тој.
Потсетувајќи се на твит кој го објавил на истата тема во јуни, тој рекол: „Ние тоа го правиме, за да ги (неговите противници) изнервираме“.
Снимките од состанокот излегле и покрај тврдењата дека Белата куќа веќе со недели знаела за жалбата на службеникот на ЦИА и дека пробала да ги сокрие деталите од контроверзниот разговор помеѓу Трамп и Зеленски.