Американскиот претседател Доналд Трамп ноќеска ги предупреди Американците дека следат „две многу тешки недели” во борбата против ширењето на коронавирусот и ги повика до крајот на април да се приддржуваат на насоките за социјално дистанцирање.

-Апсолутно е критично за американскиот народ да ги следи насоките во следните 30 дена. Тоа е прашање на живот и смрт, рече Трамп на прес конференција во Белата куќа, пренесоа ноќеска британските медиуми.

САД се први во светот според бројот на заразени од коронавирусот. Во оваа земја досега се регистриранио 185.000 заразени, додека 3.780 лица умреа.

Првите луѓе на Координативниот штаб на Белата куќа за борба против пандемијата синоќа истакнаа дека бројот на умрени од Ковид-19 во земјата може на крајот да биде меѓу 100.000 и 240.000 лица.

Пентагон ќе испрати дополнителни 500 војници на американско-мексиканската граница , кои треба да помогнат во справувањето со ширењето на новиот коронавирус.

На американско-мексиканскта граница веќе се распоредени просечно по 5.000 војници, како поддршка на граничните патроли.

Распоредувањето на дополнителни војници на американско-мексиканскатра граница уследи откако администрацијата на претседателот Доналд Транп се откажа од испраќање трупи на границата со Канада.

САД на 20 март ја затворија северната и јужната граница  за туристички и рекреативни патувања со цел да го ограничат ширењето на Ковид-19.