Доцна попладнево се удавил капач во Претор. Според очевидци станува збор за млад капач од Ресен, објави Нова Македонија.

До давењето дошло откако три млади капачи се возеле на педалинка. Од непознати причини педалинката се превртела. Двајцата млади капачи со пливање излегле на површина, а едното од децата не излегло од водата. Сите напори на присутните да го спасат третото момче не успеале. Тие се обиделе да го пронајдат и со мрежа, но сето тоа било залудно.

По давењето на младото момче во Претор засега се уште не е извлечено неговото тело од водите на Преспанското езеро, а доцна попладнево во потрагата на удавеното момче се вклучиле и нуркачи кои стигнале од Охрид.

Според тие кои го познавале момчето станува збор за тинејџер на возраст од 16-17 години, жител од селото Јанковец, Ресен.