Младиот боксер од Зимбабве, Таураи Земунја, почина во понеделникот како последица од ударите кои ги доби за време на бокс мечот кој се одржа изминатиот викенд.

Земунја имаше само 24 години, а многумина сега го обвинуваат судијата за смртта на младиот боксер бидејќи сметаат дека трагедијата можеше да се избегне.
Според боксерските фанови, новинарите и дел од експертите, тврдат дека судијата требаше многу порано да ја прекине борбата и се во шок поради неговата реакција. Несреќниот боксер во третата рунда доби неколку тешки удари во главата и иако остана на нозе беше зашеметен и со намалена можност за реакција.

TRAGIC: A boxer has died after a referee failed to stop a fight where he was visibly unable to continue. Taurai Zimunya, 24, was hospitalised at Parirenyatwa Hospital following the non-title bout in Borrowdale on Sunday. The boxing board said it was “shaken” by the incident pic.twitter.com/OpkTbKMw8v

— ZimLive (@zimlive) November 1, 2021

Судијата не реагираше тогаш туку дозволи мечот да продолжи по што Земунја доби уште неколку удари, а од последниот падна во нокдаун.
На несреќниот боксер веднаш му беше укажана лекарска помош, потоа беше пренесен во болница каде за жал почина како последица од тешките удари во главата.

„Судиите не мораат да бројат, можат да само да кажат стоп и другиот боксер мора да застане. Вистинскиот судија би го направил тоа, би ја следел акцијата и не стоел како споменик во рингот“, пишуваат гневните боксерски фанови.