Првото бебе во 2024 година се роди на Универзитетската Клиника за гинекологија и акушерство во Скопје точно на полноќ. Дежурната екипа и професор доктор Горан Димитров, го извршија породувањето на 34-годишната Наташа Стефковска од Скопје.

Породувањето е извршено по природен пат. Бебето е машко, тежи 3.760 грама, долго е 52 сантиметри и е родено со оценка (апгар) 10 од 10, што е највисоката можна оценка и значи дека има добри пропорции и стадиум на развој. Во првите 15 минути од Новата година на ГАК се родија три бебиња.