ТФТ и Куманово 2009 ги добија потенцијалните ривали во ФИБА Еврокупот
Своето учество го пријавија 33 клуба, а дополнителни 14 ќе им се приклучат од Лигата на шампионите..
Двете македонски екипи во ФИБА Европакупот претстојната сезона, ТФТ и Куманово 2009 ги добија имињата на потенцијалните противници во првата елиминависка фаза од ФИБА Евро Купот, ако и форматот по кој ќе се одредуваат учесниците во групната фаза од ова натпреварување.
Нашите претставници ќе мораат да го поминат квалификацискиот филтер кој нема воопшто да биде лесен. Пред се затоа што, учество во ова натпреварување пријавија 33 клуба, додека дополнителни 14 ќе им се приклучат од Лигата на шампионите, оние кои нема да ги поминат квалификациите.
Македонските прволигаши се меѓу 19 екипи кои ќе учествуваат во квалификациите, а бидејќи се најдоа во најслабиот „шешир“, ќе имаат и најтежок пат до групната фаза.
Ќе се играат четири квалификациски турнири од кои три ќе бидат со по пет, а еден со четири екипи. Најслаборангираните тимови, меѓу кои се Куманово и ТФТ ќе почнат од четвртфиналето. Ако триумфираат ќе играат полуфинале, а ако и оттаму излезат како победници, ќе се најдат во баражот за пласман во групната фаза.
Од квалификациите во групите ќе влезат четири екипи, а турнирите ќе се одржат во периодот од 28. септември до 1. октомври. Жрепката е на 19 август во Фрајзинг.
УЧЕСНИЦИ ВО КВАЛИФИКАЦИИТЕ
ГРУПА 1
Ирони Нес Зиона (Изр)
Гронинген (Хол)
Меди Бајројт (Гер)
Днипро (Укр)
ГРУПА 2
Спортинг (Пор)
Ираклис (Грц)
Керавнос (Кип)
Енисеј (Рус)
ГРУПА 3
Порто (Пор)
Хапоел Хаифа (Изр)
Волунтари (Ром)
Академик Пловдив (Буг)
ГРУПА 4
Натуртекс (Унг)
Трефл Сопот (Пол)
Гмунден (Авс)
Парну (Ест)
ГРУПА 5
Виена (Авс)
Куманово (Мкд)
ТФТ (Мкд)
