Новак Ѓоковиќ ќе ја брани титулата на „Австралија опен“, пред да го брка и деветтиот трофеј во Мелбурн малку подоцна од вообичаеното во специфични околности поради ситуацијата со ковид-19.

Првиот грен слем турнир во новата сезона е преместен за 8 февруари 2021 година, а организаторите веруваат дека дотогаш сè ќе биде подготвено.

Коронавирусот влијаеше на одложувањето на „АО“, но најдобрите тенисери ќе играат во Мелбурн, во досега невидени услови, со цел сите учесници бидат максимално заштитени.

Организаторот на турнирот ќе му плати на секој тенисер поединечно по 100 австралиски долари на ден за храна, што е околу 60 евра.

Тенисерите и нивните соработници нема да имаат можност за приватно сместување, што беше опција на „УС Опен“ во САД, туку сите ќе мора да бидат сместени во хотелски карантин. Посетите се строго забранети.