Во реваншот од четвртфиналето на Лига Европа, Севиља на домашен терен победи со 3:0 против Манчестер јунајтед и се пласираше во полуфиналето.

Менаџерот на „црвените ѓаволи“, Ерик тен Хаг не беше задоволен по натпреварот.

– Ова не беше доволно добро, кратко и јасно, ова не е нивото на кое треба да биде тим како Манчестер јунајтед. Недостигаше борба, сега е многу тешко, ова е неприфатливо – рече Тен Хаг.

Според холандскиот стратег смета дека недостасуваше карактер, смиреност и желба кај неговите играчи.

– Морате да влезете во натпреварите со поголема желба и кога ќе се најдете во негатива треба да знаете како да се справите со тоа и да продолжите понатаму. Мораме да бидеме подобри, не зборувам за фудбалско знаење, зборувам за карактер, смиреност и желба. Загубивме затоа што противниците имаа повеќе страст, повеќе желба, повеќе волја. Ова беше одлична можност да освоиме нешто и ја испуштивме, можеме само да се обвинуваме себеси – вели Тен Хаг.