19 C
Скопје

Тандем од соништата, Агуеро ќе игра со Меси во Барселона!?

Серхио Агуеро донесе одлука да го напушти Манчестер сити на крајот од оваа сезона откако ќе му истече договорот со тој клуб.

Многумина очекуваат Аргентинецот и следната сезона да игра на највисоко можно ниво, и сега се поставува прашањето кој ќе биде неговиот нов клуб.

Информациите велат дека агентот на Агуеро преговара со Барселона, и дека враќањето во Шпанија е реална опција, пренесува Фабрицио Романо, новинар од Италија, кој ретко промашува кога станува збор за најава за трансфер.

Кун Агуеро беше во дресот на Атлетико Мадрид, со кој се раздели во 2011 година кога „граѓаните“ платија 40 милиони евра за неговите услуги.

Аргентинскиот напаѓач е веќе легенда на „Етихад“ со чија екипа има освоено четири премиерлигашки титули (на пат е да освои уште една), една во ФА Купот и пет трофеи во Лига Купот.

Тој би пристигнал на „Камп Ноу“ како слободен агент, како одлично засилување за тренерот Роналд Куман и кој конечно би можел да игра со неговиот сонародник Лионел Меси, фудбалер со кого е исклучително близок. Но, тука има уште една дилема, дали Меси ќе остане во клубот со кој има договор до крајот на сезонава.

Поврзани вести

Реал подготви 80 милиони евра за Милинковиќ-Савиќ

Слободен печат

Најстарата жена на светот се откажа од носење на олимпискиот оган

Слободен печат

Реал ќе извиси, Левандовски гледа кон Премиер лигата

Слободен печат

Пеп Гвардиола кариерата ќе ја заврши во Барселона

Слободен печат

Ред Бул му ги краде инженерите на Мерцедес

Слободен печат

Шилегов: Има заинтересираност за Вардар, но Самсоненко мора да најде начин да ги врати долговите

Слободен печат

Остави Коментар