Филип Талески во победата над Исланд учествуваше со четири голови кои ги постигна во последните 10 минути со што има огромен удел во историската победа над Исланд.

– Секогаш сакам да бидам еден од носителите на репрезентацијата. Револтиран сум од македонската јавност која плука по нас, но тоа дополнително ме мотивира. Можам и умеам да играм ракомет и го докажувам тоа на теренот. Исто така им благодарам и на сите оние кои ме поддржуваат. Задоволни сме од овој натпревар и оваа победа. Примивме многу голови, но и дадовме многу. Во првите 10-15 минути игравме послабо во одбраната, но потоа во второ полувреме сменивме од 5-1 во 6-0, се договоривме повеќе да се концентрираме на средината и да бидеме трпеливи во напад. Тоа донесе и резултат – изјави Талески.